12th March 2013 New Karachi Town News & Picture

12th March 2013 New Karachi Town News & Picture






مورخہ: ۱۲؍مارچ ۲۰۱۳ء ؁

قائد تحریک جناب الطاف حسین کی ہدایت پر حق پرست قیادت شہریوں کو تمام تر بنیادی سہولتوں کی فراہمی کیلئے شب و روز کوشاں ہے شہر قائد کو مختلف ترقیاتی منصوبوں کے ساتھ ساتھ شہر قائد سر سبز شاداب بنانے کے لئے بھی بھر پور اقدامات کئے جارہے ہیں ان خیالات کا اظہار حق پرست رکن صوبائی اسمبلی عادل صدیقی نے ایڈمنسٹریٹر بلدیہ ضلع وسطی ڈاکٹر سیف الرحمن اور ایڈمنسٹریٹر نیو کراچی ٹاؤن آفاق سعید کے ہمراہ بلدیہ وسطی کے زیر اہتمام نارتھ ناظم آباد میں واقع فتح باغ میں منعقدہ فلاور شو میں محکمہ باغات نیو کراچی زون کی جانب سے لگائے گئے اسٹال کا دورہ کرتے ہوئے کیا ۔انہوں نے کہا کہ عوام کو فری تفریح اور پر فضاء خوشگوار ماحول میں ان کو زندگی سے بھر پور سہولت کی فراہمی کو یقینی بنانے کے لئے تمام ممکنہ اقدامات اُٹھارہے ہیں۔اس موقع پر ایڈمنسٹریٹر نیو کراچی ٹاؤن نے کہا کہ یہ مہینہ موسم بہار کا ہے جس کی مناسبت سے ہمارے محکمہ باغات کے عملے نے شب و روز کی محنت کے بعد بہترین پھول او ر پودے تیار کئے جو عوام کی توجہ کا مرکز بنے ہوئے ہیں ۔جنہیں عوام کی بڑی تعداد نے سہراتے ہوئے بے حد پسند کیا انہوں نے کہا کہ نیو کراچی زون کی جانب سے رکھے گئے نایاب پھول اور پودے منفرد اور حسین نظارہ پیش کررہے ہیں۔اس موقع پر (ٹی او آئی ایس ) اقبال خان ،(ڈائریکٹر میونسپل ریگولیشن )میڈم شمعونہ صدف(ڈی ٹی او پارک) اکبر حسین ، (ڈی ٹی او انفارمیشن ) ابو ظفر و دیگر افسران بھی موجود تھے۔