پریس ریلیز
نیو کراچی ٹاؤن انتظامیہ جشن عیدمیلادالنبیؐ کے موقع پر خدمات کی فراہمی کے لئے پُر عزم۔
چیئرمین محمد یوسف کاوائس چیئرمین شعیب بن ظہیر کے ہمراہ نیو کراچی ٹاؤن میں قائم مختلف مساجد و مدارس کا دورہ۔
جشن عیدمیلادالنبیؐ کے سلسلے میں علماء کرام،مساجد و مدارس کی انتظامیہ،جلوس ومحافل کمیٹی کے اراکین سے ملاقات
ملاقات میں 12 ربیع الاول کے حوالے سے موجود مسائل سے آگاہی حاصل کی۔
12 ربیع الاوّل کے دن روشنی کے خصوصی انتظامات کے ساتھ،صفائی ستھرائی اور سڑکوں کی مرمت کا کام ترجیحی بنیادوں پر جاری ہے۔محمد یوسف
مورخہ06 /ستمبر 2024 ء
کراچی ( )نیو کراچی ٹاؤن انتظامیہ جشن عیدمیلادالنبیؐ کے موقع پر خدمات کی فراہمی کے لئے پُر عزم۔12 ربیع الاوّل کے دن روشنی کے خصوصی انتظامات کے ساتھ،صفائی ستھرائی اور سڑکوں کی مرمت کا کام ترجیحی بنیادوں پر جاری ہے۔ ان خیالات کا اظہار چیئرمین محمد یوسف نے وائس چیئرمین شعیب بن ظہیر کے ہمراہ نیو کراچی ٹاؤن میں قائم مختلف مساجد و مدارس کا دورے کے دوران کیا۔اس موقع پر چیئرمین محمد یوسف نے جشن عیدمیلادالنبیؐ کے سلسلے میں علماء کرام،مساجد و مدارس کی انتظامیہ،جلوس ومحافل کمیٹی کے اراکین سے ملاقات کی اور اُن سے 12 ربیع الاوّل کے حوالے سے موجود مسائل سے آگاہی حاصل کی۔چیئرمین نیو کراچی ٹاؤن محمد یوسف نے کہا کہ منتخب بلدیاتی نمائندے آخرالزماں حضرت محمد مصطفیؐ کی ولادت کے دن نیو کراچی ٹاؤن سے برآمد ہونے والے عاشقانے رسول ؐ کے جلوس کی گزر گاہوں اور نیو کراچی ٹاؤن میں منعقدہ محافل کی جگہوں پر بلدیاتی خدمات کی فراہمی کو یقینی بنائیں گے جس میں خصوصی طور پر روشنی کے انتظامات کے ساتھ صفائی ستھرائی اور سڑکوں کی مرمت و استر کاری ہنگامی بنیادوں پر کی جائے گی جس سے جلوس کے گزرنے میں آسانیاں پیدا ہونگی،چیئرمین محمد یوسف نے علماء کرام سے گفتگو کرتے ہوئے کہا کہ نبی ﷺکی سیرت پر عمل پیرا ہوکر مسلمان دنیا کی بہترین قوم بن سکتے ہیں یہ ہمارے نبی ﷺ کی سنت ہی تھی کہ مسلمانوں نے آدھی دنیا پر حکومت کی اور جب مسلمانوں نے سنت نبوی ؐ کو نظر انداز کیا تو مسائل میں گھیرگئے اور تنذلی کا شکار ہوئے آج ہم دنیا بھر میں رسوا ہورہے ہیں فسلطین کے مسلمانوں کے لئے کوئی محمد بن قاسم پیدا نہیں ہورہا جس کی وجہ صرف اورصرف پیارے آقا ﷺ کی سنت سے دوری ہے۔ واضح رہے کہ چیئرمین محمد یوسف شروع دن سے ہی نیو کراچی ٹاؤن کے مسائل کو حل کرنے کے لئے کوشاں ہیں،محرم الحرام کے ایام ہوں یا جشن عیدمیلادالنبی ؐ یا دیگر مذاہب کے تہوار ہوں نیو کراچی ٹاؤن کی انتظامیہ منتخب بلدیاتی نمائندوں کی سربراہی میں بلدیاتی سہولیات کی فراہمی کے لئے ہمہ وقت تیار رہتی ہے۔ جاری کردہ :۔
عقیل اختر
پبلک ریلیشن آفیسر
نیو کراچی ٹاؤن
